គណបក្ស សម រង្ស៊ី គ្រោងធ្វើការសម្ពោធទីស្នាក់ការកណ្តាលថ្មីរបស់គណបក្សក្នុងរាជធានី ភ្នំពេញ ដើម្បីជំនួសទីស្នាក់ការចាស់ដែលត្រូវបានផ្លាស់ប្តូរ នៅថ្ងៃទី២៣ខែកក្កដាខាងមុខនេះ។
យោងតាមសេចក្តីជូនដំណឹងរបស់គណបក្ស សម រង្ស៊ី កាលពីថ្ងៃទី១៥ ខែកក្កដា គណកម្មការអចិន្ត្រៃយ៍គណបក្ស សម រង្ស៊ី បានសំរេចធ្វើការផ្លាស់ប្តូរទីស្នាក់ការកណ្តាលគណបក្ស ផ្ទះលេខ៧១ មហាវិថីសម្តេចសុធារស សង្កាត់ទន្លេបាសាក់ ខណ្ឌចំការមន រាជធានីភ្នំពេញ ទៅទីស្នាក់ការកណ្តាលគណបក្ស ដែលស្ថិតនៅផ្ទះលេខ៥៧៦ ផ្លូវជាតិលេខ២ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។
ពិធីលាទីស្នាក់ការចាស់ និងពិធីសម្ពោធទីស្នាក់ការថ្មី នឹងធ្វើឡើងនៅថ្ងៃទី២៣ខែកក្កដា ដោយជួបជុំសមាជិក-សមាជិកាកណបក្សប្រមាណ៧០០នាក់ នៅទីស្នាក់ការផ្ទះ លេខ៧១ វេលាម៉ោង ៧.៣០នាទីព្រឹក ។ បន្ទាប់ពីកម្មវិធីលាទីស្នាក់ការចាស់ សមាជិកទាំងអស់នឹងធ្វើដំណើរមកកាន់ ទីស្នាក់ការថ្មីធ្វើពីធីសម្ពោធជាផ្លូវការ ។ អានអត្ថបទ…
កង ប៊ុន
